නාට්යය - කුවේනි (හෙන්රි ජයසේන)
සමූහ ගායනා
පොළොව උසුලන දෙවියනේ
අහස උසුලන දෙවියනේ
මුහුද උසුලන දෙවියනේ
නැගෙන ඉර සඳ දෙවියනේ
අග්නි අසනිය දෙවියනේ
වැහි වලාහක දෙවියනේ
මේඝ ගර්ජන දෙවියනේ
බලන් මට කල මේ විනේ
පොළොව පුපුරා පැලීයන්
අහස ගිනිගෙන දැවීයන්
සයුරු කැළඹී ගැලීයන්
නැගෙන ඉර හඳ වැටීයන්
තබන තබන පය ගින්නෙන් දැවීයන්
වහින වහින වැහි අහසේ සිඳීයන්
ගහන ගහන හෙණ හිස මත වැටීයන්
ජාතිත් භවේ ගිනි දැල් මත දැවීයන්
උපන් උපන් කුමරුන් මතු නැසීයන්
දියෙන් ගොඩින් ගිනි ජාලා මැවීයන්
ලෙඩින් දුකින් සංහතියම පෙළීයන්
නිරන්තරින් බඩසායෙන් මැරීයන්
පොළොව පුපුරා අහස ගුගුරා දිය දෙබෑකර වරෙල්ලා
සක්වලින් මුහුදින් ගොඩින් අහසින් සැනින් තොපි වරෙල්ලා
මංත්‍ර බන්ධන අග්නි අසනිය ලෝදියත් ගෙන වරෙල්ලා
මන්ත්‍ර මායා අංජනම් කර මේ රජුට විනකරල්ලා...
නාට්යය - කුවේනි (හෙන්රි ජයසේන)
ගායනය - මානෙල් ජයසේන
නොහඬනු කුමරුනි ඇවිල ලසෝ ගිනි//
එන රජ කුමරිය ඈත එතෙර සිට//
ඔබ සනසාලයි දුකඳුරු දුරුකොට//
ඔබ නරපතියෙකි මැති ගන සෙව්නා//
උන් උවදෙස් ලෙස රජකුල සිරිතෙන්//
ලැබ අග බිසවුන් අභිසෙස් ලද යුතු//
බැඳි පෙම් සටනින් මම පැරදුනෙමි//
දරුවන් සමගින් යමි මම නික්මී//
එනමුත් කුමරුනි මතු සංසාරේ//
ඔබ සොයනෙමි මම භවයෙන් භවයේ//මේ පෙම් වියොගින් මතු සංසාරේ//
කෙදිනක හෝ යලි සැනසුම් ලබමී////
නාට්යය - කුවේනි (හෙන්රි ජයසේන)
ගායනය - චිත්‍රා වරකාගොඩ,ජනනාත් වරකාගොඩ
ඔබ සිහිලැති සෙවණේ සිටියදි පෙර දවසේ
රන්වන් කෙලවර මුහුදේ සැන්දෑ හිරු බැස යන වේලේ
මුහුදේ දෙවියන් අහසේ දෙවියන්//
ගැන විසිතුරු කීවා ඔබ අප තුරුලෙ හොවා
සඳ සේ සියුමැලි වූ ඔබ සොමිබර මුහුනේ
නිල්වන් දෙනෙතින් උතුරා
ගැලු උණුසුම් සෙනෙහස දහරා
අපමය දුටුවේ අපමය ලැබුවේ//
පින්බර මෑණියනේ ඒ මොලකැටි වයසේ
ඈත එතෙර මුහුදින් පැමිනෙන රජ කුමරී
කී සඳ එදින පියාණන්
ඔබ සෝකෙන් ඔහු දෙනෙත් බලා
නොකියා වැළපිලි නොසලා කඳුලැලි//
දුන් බස් මෑණියනේ නිරතුරු මෙමට ඇසේ//
නාට්යය - කුවේනි (හෙන්රි ජයසේන)ගායනය - නලින් අල්විස්,ඉන්ද්‍රකාන්ති ජයතිලක
මුදු මොලොක් මල් මෙනේ කුස දරා බැතිපෙමින්
වේදනා විදිමිනේ අප ලොවට බිහිකෙරූ
ලය පුරා සෙනෙහසින් අප දෙදෙන වැඩු පෙමින්
මව්තොමෝ කුවේනි යකිනි වෙද මේ කියන
යකිනියක ඇඟ රුහිරු කිරි වේද කිසි දිනෙක
මෑණියන් මා පෙවූ කිරි දහර රුහිරු විද
මෑණියනි කුවේනි ඔබ කොතැන සැඟවුනෙද
එන තුරා ඔබ නැවත අපි බලා සිටිමු මෙහි
පියාණන් කී පසුව මාලිගෙන් පිටවන්ට
රැගෙන ඔබ අප දෙදෙන වනවැදී අතරමග
නෑසියන් දකිමිනේ කෝප දුරුකරමිනේ
නැවත එමි දරුවනේ කියා ගිය පසු එදා
නැවත ඔබ එනතුරා අපි සිටිමු මෑණියනි
පන් දහස් කල් ගෙවී එන තුරා හෝ නැවත
අපි මෙහිම සිටින්නෙමුඔබ නැතිව නොයන්නෙමු
අපි මෙහිම සිටින්නෙමු
ඔබ නැතිව නොයන්නෙමු
මෑණියනි විගසකිනි
අප රැගෙන යනු මැනවිමෑණියනි විගසකිනිඅප රැගෙන යනු මැනවි
නාට්යය - කුවේනි (හෙන්රි ජයසේන)
ගායනය-විජේරත්න වරකාගොඩ,හෙන්රි ජයසේන
අන්දකාරෙන් දුරාතීතේ අන්දකාරෙට අනාගතයේ
රැගෙනයාමට කතා පුවතක් අන්දකාරේ සිට කියන්නේ
බොහෝ දේ සිදුවූ අතීතේ වැළලිලා ඇත අන්දකාරේ
පොළෝ පස් යට උනුන් කඳුලැලි ලෙයත් දහදිය එකට මුසුවී
පොළෝ තලයෙන් වැසුනු බිජුවට නැගී එන සේ දිනෙක පසුකල
අතීතේ සැඟවුනු කඳුලු බිඳු ලෙයත් දහදිය මද සිනා රැළි
අන්දකාරෙන් දුරාතීතේ නැගී යලි එක්වේය අප හා
අපේ කඳුලැලි ලෙයත් දහදිය සමග මුසුවී ලෝ දහම සේ
අන්දකාරෙන් දහස් වසරෙක මෝහයෙන් තව දහස් වසරෙක
මානයෙන් යළි පන්සියක් කල් වසා සැඟවූමුත් කුවේනිය
අදත් ඇය අප දෙස බලන්නී හෙටත් යළි අප දෙස බලන්නී
දුරාතීතේ අන්දකාරය මැදින් සිට එබිකම්කරන්නී
සදා ඇය අප හා සිටින්නී දොරින් දොර සැම තැන වෙසෙන්නී
එදා හෙලු කඳුලුත් රුහිරු බිඳු සදා අප වෙනුවෙන් හෙලන්නී
සදාකාලෙම ලොව පහල වූ සදාකාලෙම ලොව පහල වන
කුවේනියමයි එකම ගැහැණිය එදා උපනත් අද උපන්නත්
ඇයයි දුක් පීඩා විඳින්නේ ඇයයි වද හිංසා දරන්නේ
ඇයයි අවමානය ලබන්නේ ඇයයි යකිනිය නම් ලබන්නේ
Posts
